WAG MAGPAUTO SA MALING UNAWA NG INC SA JOHN 17:1-3

“Pagkatapos masabi ito ni Jesus, tumingala siya sa langit at nanalangin: “ Ama, dumating na ang oras. Luwalhatiin mo ang iyong Anak para maluwalhati ka ng iyong Anak. Sapagkat binigyan mo siya ng kapangyarihan sa sangkatauhan upang magbigay ng walang hanggang buhay sa lahat ng ibinigay mo sa kanya. At ito ang buhay na walang hanggan, na MAKILALA KA NILA NA IISANG TUNAY NA DIOS AT SI JESUCRISTO NA SINUGO MO.”

Yan ung nakalagay sa Juan 17:1-3 na sinasabi nila na iisang tunay na Dios ang Ama at sugo si Jesucristo. Yan ang talatang ipapabasa sa iyo kapag pag-uusapan ang tunay na katauhan ni Cristo. Ngunit hindi alam  ng taong pinagbabasa nyan na kapag ipinagpatuloy mo ang pagbabasa hanggang verse 5 ay ganito ang sinasabi ni Hesus.:

Juan 17:5 “At ngayon, Ama, luwalhatian mo ako sa iyong harapan ng kaluwalhatiang taglay kong kasama mo bago pa likhain ang sanlibutan.”

O ayan, malinaw na sinabi ni hesus na luwalhatian siya ng Ama sa kanyang harapan ng kaluwalhatiang taglay niya na kasama na ng Ama bago pa likhain ang sanlibutan. Sinusuportahan ng talatang iyan ang Juan 1:1-2 at 1:14:

JUAN 1:1-2

“Sa pasimula ay ang Salita, at ang Salita ay sumasa-Dios, at ang salita ay Dios. Sa simula pa’y kasama na siya ng Dios.”

JUAN 1:14

“Nagkatawang-tao ang Salita at tumahan sa gitna natin. Nakita namin ang kanyang kaluwalhatian, kaluwalhatian ng bugtong na Anak na nagmula sa Ama, puspos ng biyaya at kaluwalhatian.”

  

Malinaw na diyan na suportado ng mga talatang iyan ang Juan 17:1-5.

Kaya pag pinabasa sa inyo ang talatang yan, WAG MAGPOKUS SA IISANG TALATA LAMANG... (Juan 17:1-5)